القنيطرة :باشا المعمورة يقود حملة قوية بـ"طراكس" فـي ساحة أنوال فالمدينة العليا "لافيلوط"
الأنوال نيوز
باشا المعمورة يقود حملة قوية بـ"طراكس" فـي ساحة أنوال فالمدينة العليا "لافيلوط"
الاثنين 10 مارس 2025، خرجات السلطات المحلية فالقنيطرة فحملة قوية باش تحيد الواقيات غير المرخصة والموسخة فالملك العمومي، وخاصة فـي ساحة أنوال فالمدينة العليا "لافيلوط"، تحت إشراف باشا المعمورة، خليفة بن شريج، اللي كان حاضر شخصيًا فالعملية.
الحملة عرفات مشاركة قائد الملحقة الإدارية الأولى بوسلهام دحايح، وقائد الملحقة الثانية أنيس كوتار، وقائد الملحقة الرابعة عشر شرف الدين السوسي، واعوان السلطة ومعاهم مسؤولي مصالح البلدية بحال عبد الرزاق الكحل وحسيني، وفرق من عمال الجماعة اللي خدمو بكامل طاقتهم، رغم ظروف الصيام، باش يحررو الملك العمومي.
طراكس فالواجهة ومفاجآت فالميدان!
العملية بدات باستعمال جرافة "طراكس" وثلاثة شاحنات كبار لنقل المحجوزات، حيث السلطات قررات تحيد جميع الواقيات الحديدية والخشبية اللي محطوطة بلا ترخيص، واللي كتعطل الراجلين وكتسبب فالفوضى. ولكن المفاجأة الكبرى كانت ملي لقاو محل ديال عطار موسخ بزاف، بلا احترام لمعايير النظافة، وزيد عليها ما عندوش رخصة ديال الواقي ولا حتى احترام للمسافة القانونية مع الرصيف.
من بعدما تم التفتيش، تبيَّن أن المحل فيه روائح كريهة، وزيد عليها وجود طوبات وحالة صحية كارثية، الشي اللي خلا السلطات تقرر تسدو فالحين. هذا القرار لقى تفاعل كبير وسط الساكنة، التي عبرت على ارتياحها لهذا التدخل لي غادي يرد الاعتبار للنظام والنظافة في الساحة.
السكان اللي كيعانيو يوميًا من الفوضى والاحتلال العشوائي فرحو بهاد الحملة، وكيطالبو بمواصلة هاد النوع من التدخلات فمختلف أحياء المدينة. أما بعض التجار، فكاين اللي شافو أن الحملة ضرورية وكيحترم القوانين، وكاين اللي تذمّر من توقيتها فرمضان، خصوصًا اللي عندهم محلات تجارية كتعتمد على الرواج اليومي.
السلطات المحلية أكدت أن هاد العملية غير بداية لمسلسل ديال الحملات اللي غادي تستهدف كل التجاوزات فالمدينة، وأن القانون فوق الجميع بلا استثناء. ودابا السؤال المطروح: واش الحملة غادي تستمر بنفس القوة؟ ولا كانت غير ضربة استباقية فرمضان؟ الأجوبة غادي تبان فالأيام الجاية!
بمناسبة باليوم العالمي للتطوع المركز المغربي للتطوع والمواطنة ومؤسسة هانس زايدل يتوجان الفائزين بالجائزة الوطنية للتطوع النسخة الثاني 
تنصيب السيد محمد التاج رئيس قسم الشؤون الداخلية بعمالة القنيطرة 
الفاهم يفهم/ الإعاقة الحقيقية ليست في الجسد … بل في العقل حين يعجز عن الارتقاء 
السيد مولاي إبراهيم العثماني يشرف على إعطاء الانطلاقة لأشغال تهيئة مركز أمل سوس أكادير التابع للتعاضدية العامة بمدينة أكادير .jpg)
أوكي..