طفات شمعة الدار - حسنية بركات / الرباط التواركة
الأنوال نيوز
طفات شمعة الدار
بويا الحبيب ديالي
جات جايحة
داتك مني
مشات امي
تبعتيها
واش هذي صدفة
ولا واعدتيها
فالصبيطار سولتي عليا
فحر الموت
بغيت نشوف بنتي
قبل ما يفوت الفوت
كانت عندك
عادة
فالرخا والشدة
كنت عندك بين خوتي
كبدة وحدة
كنت فيهم انا
المدللة
كانت تراودني امنية
إلى قضى ربي وجات
المنية
نشهد ليك ا تموت
بين ايديا
نغسل وجهك
بدموع عينيا
خافو من الفيروس
طمروك فصندوق
خشب
عزو فيك سنة لغسيل
و حتى لفافة فكفن
بيض
شهدات ليك التواركة بزينة
العشرة
و طيبة القلب الصافي
ما يعرف البغض و ما يعادي
مازال تعزيني الحومة في
موت بويا
ولعزو فات...
شكون اللي يعزيني
فكيتي لي بدات...
الصبر من القلب طاش
والشيب بدا يسري فالراس
طار عقلي ادمى قلبي
ما لقيت عزايا غير
في خوتي لولاد
أبناتي لعزيزات
كيتي كييا ماتو لوليديا
صبحت فالهموم وحدانية
خوتي لا تقطعو
ارجل عليا
دقو في بابي مرة مرة
صلو الرحم مع
ختكم
نشوف فيكم صورة
بويا
أ تشمو فيا ريحت
مكم
وحشة في قلبي لوالديا
ولموت ما يردهم ليا
حرقتي عليهم تبقى
حرقة
ما يبردها تلج
وما يطفيها ما
نطلب لربي ليهم
الرحمة
حسنية بركات / الرباط التواركة
أوكي..